«Орта – үшінші педагог» — Ұлытау облысы білім басқармасының Сәтбаев қаласы білім бөлімінің "Айналайын" бөбекжайы КМҚК

Қазіргі заманғы кітапханалар ақпарат пен құжаттарға сұранысты қанағаттандыру үшін оқырмандардың барлығына дерлік қолжетімді болу керек. Мобильді кітапхана – кітапхананың жаңа қызметі, тәжірибелік біліктілік, келешек.

Қазір адамдар интернет желісіне смартфондардың көмегімен кіріп, керек ақпаратқа қол жеткізе алады. Бала экраннан көргенін ешкімнің үйретуінсіз, бағыт-бағдарынсыз қайталауға мүмкіндігі бар.

«Мектепке дейінгі тәрбие мен оқытуды дамыту моделінің» жаңалығын іске асыру аясында, әр топта кітап бұрышын ұйымдастыру қолға алынғаны, балалардың кітапқа деген қызығушылығын арттыру негізгі міндетке айналғаны белгілі. Осыған орай «Нұрбөбек» бөбекжайының барлық топтарында кітап бұрышын ұйымдастырумен қатар ата-аналар мен балаларға арналған ерекше ауқымды «Балалар мобильді кітапханасы» орталығы ашылды және барлық топтарда шағын орталықтар ұйымдастырылды.

Мобильді кітапханада түрлі жанрдағы, атап айтсақ: әндер, ертегілер, әңгімелер, жұмбақтар, қимылды ойындар, санамақтар, нейрожаттығулары, логопедиялық жаттығулар-әндер, таңертегі жаттығулар, сергіту жаттығудары, ұйқы ашар жаттығулары, тақпақтар, мақал-мәтелдер, музыкалық ойындар, жаңылтпаштар, дамытушы ойындар, ұлттық ойындар, Монтессори технологиясының ойындары, асық терапиясы, дәстүрден тыс сурет салу технологиясының түрлері, марблс тастар технологиясы, саусақ жаттығулары, шаттық шеңбер, мультфильмдер, дидактикалық ойындардың көптеген түрлері жинақталған.

Сонымен қатар ертегілерді көру планшеттің немесе ұялы телефонның QR код программасы арқылы жүзеге асады. Осы орайда ата-аналар мен балалардың мобильді кітапханаға деген қызығушылығы жоғары екендігі байқалады. Оның дәлелі балалардың қызығушылығына қарай, ата-аналар балаларымен бірге отырып ертегілерді көруі. Басқа да қызыққан ертегілерінің QR кодын ата-аналар сақтап алып, балаларымен үй жағдайында да тамашалауда.